Nunalik & 5 Wing

Sanavalliajut Sanginitsaugiamut AtaKatigennimik Nanituinnak Labradorimi

Goose Bay Mipvinga atuniKatsiavuk iniKatluni ommatitsigiamut Upper Lake Melville NunakKatigengitumik. Ikajutsinikkut nunalimmi pinianniujunut ammalu ikajuttigennikut kamatsiagiamut najuttiKatsigiamut tingijonnut kiggatotinginnik nunalimmiunut ammalu niugguKattajunut, pijugivugut tunitsigiamut piguvallianinganik ammalu Kanuikkunagut nunalik kiggatuKattajattinik. Iligevut uKatsiasimavut sangijottisigiamut ataKatigennimik, tingijokkut ammalu nunakkut, nanituinnak Labradorimi ammalu ungatâni.

PiusigiKattasimajavut taikkununga 5 Wing Goose Bay

Tânna Goose Bay Mipvinga atuKatigesimavut ikajuttigetsianikkut taikkununga 5 Wing mipviligijinginnut taimanganit pingutitaulaugaminik 1941-imi. Pigiasittaulautsimajuk unatattuligijiutluni mipvik asianguvallianiatluni anginitsamut, atuKatigettaujuk illualungit ikajutsijumik inunnik ammalu unatattuligijet aulataujunut. Ullumi, GBAC suliaKaKatiKaKattajut SuliaKapvinut Nunatsualimâmi Unatattuligijikkunginnut kamatsiagiamut Kanuingigiamut, nâmmasiattumik, ammalu aulatsisianikkut atugiamut mipvimik, suli taimangasuanit ikajuttigejut tikijumut anginitsamik 80 jârinik ungatâmullu.

1941

Nunak SiKumittausimajuk

Canadian Tingijoligijet Ministringa pigiasititsilautsimajut sanajaunitsanganik tingijopvimik miKattagiamut ammalu utsuluttâvigillugu taikkununga Canadamiunut ammalu Amerika tingijonginnut Silatsuami UnatattuKaniammat II.

1950

US Tinjongita Unatattlugijingit Inigijangita

Goose Bay ilangagijauliaKisimajuk Taggami kitâni Tingijopviuluni Angajukkaunimmut. Tainna USAF sanavuk Goose Tingijonnut Initsanganik Pigumajaujunut Angajukkauniugiamut Inigijaugiasitluni 1957-imi

1976

US Matuttaulautsimajuk Goose Tingijonut IniKagiamut

AullaKattajut taikkununga USAF Pigumajaujunut Tingijonnut Angajukkauniulluni. Illualuit sanattaugiallatausimajut omingauniattiluni CFB Goose Bay.

1996

GBAC Sanajausimajuk

Goose Bay Mipvinga kuapanga sanajausimajuk ilngagijaulluni kenaujaliuKattalugani.

2011

Nunait Tunijaujut pisimatluni DND-ikkunit

Tânna SuliaKapvik Nunatsualimâmi Unatattuligijet tunitsilautsimajut tingijoKautingata illualunganit ammalu nunanginnik tingijopvimit taikkununga GBAC.

2012

Nutâk Mipvinut Illualunga Sanajausimanninga

Tânna mipviup nutânga ammasimajuk, angilligiattisisimajuk initsanik tingijonut ammalu atuKattajunut.

Pitjutigillugu 5 Wing

5 Wing iniKavuk taikani Canadian Unatattuligijet Ininganik Goose Bay Labradorimi ammalu aulatautluni angajukkauniujunut atautsimut Canadami Tinigottiligijet SuliaKapvinginnut. Pigiannimit pingutitaulautsimajuk 1941-imi ikajuttigennikut taikkununga Candakkunut ammalu Amerikanut, kiggatusimajuk pigumajautluni ininga taikkunangat imakkoKattajunut taijaujunut submarine kamaKattagiamut ammalu inigijaullunillu tingijonnut akianojunut Aippânik Silatsuak Unataniammata. Tainna inik annigijausimajuk piugijausimammat tingigunnagiamut silanga, aivigijausongummat imakkut aujaulimmat, ajunnanginitsautluni sanapvigigianga, ammalu inigijanganik Taggami Atlantic-imi.

Jârini Kângisimajuni, inigijangit 5 Wing asianguvalliasimajuk angijualummik mikijutuinnautluni ikajutsijumik taggajanniutinik anginitsamut, angijualongitumik iniKatluni ikajutsijumik Kanuittusuatuinnanik tingijonnik aulataujunut ammalu sakKititsiKattamijut silatsuamik unatattuligijiujunut ammalu inutuinnanut KaikKujauKattajunut.

Ullumi, 5 Wing Goose Bay atuniKatsiavuk ikajutsinimmik Taggami Amerikami Tingijoligijinginnut Unatattuligijinginnut Angajukkauniujunut aulataujunut ammalu nigiugijaujunut tingijokkut pitsatuniKagiamut nanituinnak taggami ammalu taggaup kitângani itivalliajunut Canadamut. Suli sakKititsiKattavuk pimmagittumik ikajutsinimmik unatattuligijinnik ilinniatitsigiamut ilinniaKattajunut taikkuninga Canadami Unatattuligijinginnut, ikajuttigegutigijanginnut, ammalu NORAD. PitaKatlutik sungiutisongujunut tungavialunnut, aiviuttausiagunnangitunut ammalu ajunnattotluni avatinga, ammalu atusongutlutik angijualummik tingijopvigijausomik, 5 Wing sakKititsivuk atjiKangitumik ammalu pigumajautsiatumut ilinniagatsagijausongulluni avatiKatluni ikajuttigennikut ammalu katiutigijauKattajunut ottugajunut.

Happy Valley - Goose Bay

Happy Valley–Goose Bay kiggatuKattavuk aullaivinnut ammalu iniggautiligijiujunut ininganik Labraodrimi, aniggagijautluni 5 Wing Goose Bay ammalu piguvalliajumut KaujimaKatigennikut nunakKatigengitunut kiggatujanginnut. Tainna nunalik sakKititsivuk niugguKattajunut ammalu nunalimmiunut atugiamut takuminattusiavammik silamettunut, ullumiulittuk atuttausonut, ammalu tujummiKujilugani nunalinga takutitsijuk Labrador pijugiutigijanganik piusigijauKattasimajunut ammalu sivumut-takugiamut tannikut.

Tamânegasuaven akunigalak?

Tânna Goose Bay Mipvinga kiggatuvuk pimmagittumik initsagijaulluni atautitsijumik Labradorimit ammalu Taggamut asinginnut Canadamut.

Mipvimi Nigipvinga

Aliagillugit nunalimmit inotsianik imiliguvit, nigik, ammalu atuinnaulutit tingigiamut.

Atuatsigiallautit

Tujummiuvet

Kanittogasuallutit tujummiuvinnut minotituinnak mipvimit.

Atuatsigiallautit

Nigipvet

Kaujillugit mamagijatit ammalu nigigiattugunnagiamut atuttausot Kanittojunut Goose Bay Mipvinganut.

Atuatsigiallautit

Pivitsait

Kimiggulugu Goose Bay ammalu atullugit ilukkusingit, silamettunut, ammalu Kaujisallugu Labrador.

Atuatsigiallautit