Pivitsait

Aliasugit golf-inguagiamut sanianettumut Labradorimi takuminattunik takujausonut taikani Amaruk Golf Club. Tainna nainanik killalik sakKititsijuk aliasugiamut ammalu inotsiatunut avatiKatluni, piujualuk tamâgennut nalliuvimmi pinguaKattajunut ammalu Kangaulimmat golf-inguKattajunut Kinijajunut sungigiamut.

Kimiggulugit Labradorimi takuminattojunut taikani Birch Brook Nordic Siaggijautingit. Manettausimajuk akKutingit ajunnangitunut ammalu siaggijagiamut, tallukogiamut akKutingit, pisugak, akKutet paikkikogiamut, ammalu nigumittusiavait inigijangit, pitaKavuk sunatsuatuinnanik silamegalagumaKattajunut.

Aliasullutit pisugagajakKutit taikani e Birch Island Pisupvinganut — nunalimmi piugijaunippâk pisugagiamut, Kupanuannik takunnâluni, ammalu tigusituinnaluni takuminattunik Goose Bay silangita Kanitanganettut.

Kimâllutit silamut taikani Gosling Lake Aullâvinganut, akuniungituk motakâkkogiak Goose Bay-imit. Aligillugu saimmanattuk tasingata aullâvinga puitjugagunnagiamut, oganniak, pisugak, ammalu takuminattut Labradorimi takutsaujut.

Kaujillugit pitaluviniKajunut piusigijaulautsimajut ammalu atjigengitut ilukkuset Labradorimit taikani Labrador Interpretation Ininganut. InuKalluni takugatsait ammalu unikkauset, tainna inik ullusiuKattavut piusituKannik, allanguattausimajunut, ammalu taimangasuaniusimajunut nunakKatigengitumi.

IniKajuk taikani 5 Wing Goose Bay, tainna Labradorimi Unatattuligijet Piulimapvialunga piulimattisiKattajut nunakKatigengitumik pijugiutigillugit tingijolittâjunut ammalu unatattuligijet piusigilautsimajanginnik. Kimiggulugit takugatsait takutitsijumik Goose Bay-imi inigilautsimajanginnik unatattuKaniammat II ammalu ungatânut.

Atullutit ommatigijaujumut Labradorimi allanguattet ammalu ilukkusinginnik taikani Lawrence O’Brien Allanguattet Ininganik. Tainna sakKititsiKattajuk pinguagiattusimajunut, sanajaumajunut, taggajânnik takutitsiKattajut, ammalu nunalimmi pinianniujunut takutitsijumik nunalimmiunik pingualuangujunut.

Atullugit attunattunik piusituKannik Kimutsikojunut taikkutigona Labradorimi aputiKatsiatumik nunanginnik. Northern Lights Kimutsikonnik sakKititsijuk puiguttaugunnangitumik tasiugiagutiKajunut apvitagiamut takusonguniattanik Kimminik, ilisapvigillugit taimangasuaniusimajunik Kimutsigiamut, ammalu aillutit ikKaumanginnaniattanik.

NukKagiattulutit NiugguKattajunut Kaujigatsait Ininganut ikajuttaugiattulutit, nunanguanik, ammalu pikKujalianik nunalimmiunit Kaujimajunut Labradorimik piunippaumik. Piujualuk ininga pigiasigiamut pinianniginiattanik.