Pitjutigillugu GBAC
Atautitsinik Labradorimi Silatsuamut
Tânna Goose Bay Mipvingata kuapanga aulatsiKattavut ammalu aulatsivut Goose Bay Mipvinganik – pimmagittuk iniggautiliginimmut ininga ammalu kenaujaliugutigijanga Labradorimut. Pijugiutigijamminik taimangasuanit pisimajumit 1941, tainna mipvik suli atautitsivuk inunnik, nunalimmiunik, ammalu pivitsanik nanituinnak Taggami ammalu ungatânut.
Pigumajavut
- Aulatsik, aulatsinik, ammalu pivalliatitsigiamut Mipvimik Kanuilugani, kamagijautsialuni, nâmmasialluni, akikittoluni, avatimmik attutausagaisok, ammalu kenaujaliugiamut piusiKagasuajut.
- Suliagillugit ammalu Kaujimakkulugit pivalliataunitsanganik Mipvimik nunanginnik atuttausongugiamut tinijokkut iniggautingita pinianniujunut.
- Angilligiattilugit iniggautiligijet illualunginnik ammalu sanagiamut kenaujaliginimmut piniannisanginnik malitsiaKullugit Tingijopvet iniggautiliginimmut pinianniuKattajunut.
PitjutiKajuk Uvattinik
Goose Bay atjiKalungituk akungani Canadami mipvinginnut. Tainna tingijoKautik namminigijauvuk ammalu aulatautluni SuliaKapvimut Nunatsualimâmi Unatattuligijinginnut, tainnali Goose Bay Mipvinga kuapanga, inunnut tingijopviuvuk pitsatuniKatluni, kamagiaKattitaujut aulatsigiamut inunnut tingijottiuluni pinianniujunut mipvimi ammalu namminilik nunannetunik piKutinik Ininginnik. Tainna atjiKangituk sanajaumajut sanavullu Goose Bay-imik atautsituinnaungitumik aulatsijut mipviujunut iluani Canadami.
Tainna mipvik nalunaittausimavuk mipvigijaulluni itittausongujumut taikkununga Nav Canada ammalu suliaKattilet taikkunangat Canada killinganik kiggatuttet katutjiKatigegiallanganut (CBSA). CBSA kamajingit suliatsaKaKattavut ilonnanginnik tingijonut kisimik, anginitsanik 15-nanik inuKasonik.
Tainna Goose Bay Mipvingata kuapanga, pingutitaulautsimajuk 1996-imi kenaujaliulugani katutjiKatigenguluni, aulatautluni ailipvanut-iligenut angajukKauKatigenginnut nunalimmit kiggatuttiKallutik. GBAC naminiKavut ammalu aulatsiKattavut taipsuminga Goose Bay Mipvingata Illualunganik ammalugiallak nunanik silamettunut. Mipvimit. Tainna tungavialuk âkKisuttaulautsimajuk 2011 nunanganik tunijauniammat angiKatigegutikkut taikkunangat SuliaKapvimit Nunatsualimâmi Unatattuligijikkunginnut, pivitsaKattisijumik inutuinnanut aulataugunnagiamut – ilautigillugit utsualunnik sakKititsisonik ammalu motakânnik attasittisigunnagiamut kampaniujunut – iniKainnanginnagiamut immigut aulatsigunnagiamut.
Tainna atuKatigettaujuk atuniKatsiatumik-pimmagittumik tingijopvik sakKititsiKattavuk nunakKatigengitunut akiKatsiatumik-atuniKatsialuni inunnut tingijottiugiamut, angillitigiattisijumik akigijanganik federallikunit kenaujaKattitaujumut tungavialunga atautsikut sakKititsiluni akikittunik atuttausonut pigumajautsiatunut natjagiamut ammalu atuKattajunut taimaittusainaujunut.
Tusagatsak AngajukKauKatiget Itsivautanganit
Labrador iniKavuk pimmagittunik pivaliatitsigiamut ilinganiKajunut ikumanut ammalu ujaganniavimmit. Kanuttogutigijaujut piguvalliajuk paitsiutiKagiamut ammalu pivalliatitsigiamut Taggamik. Goose Bay Mipvinga pimmagittovuk ammalu silatsuamut iniKatluni illualotluni, iniKajuk saniani ilonnanginnut tamakkununga pivitsagijaujunut.
AngajukKauKatigegijavut ammalu sivukkativut kenaujanik atuvut piggautiKagasuagiamut pivalliatitsigiamut akikittogasuattumut ammalu tingijonik kiggatotinnik pivaliatitsigiamut ammalu pannaigutiKavugut sivunitsaginiattavuttinut. Tamakkua Kittainganattut, tatajut apomautitsanik ammalu pivitsanik. IligeKavugut kamatsianiattunut tainna Goose Bay Mipvinga iniKanianninganik atuniKatsiatumik sivunitsaginiattavuttinut.
Aulatsinik
Tânna Goose Bay Mipvinut kuapanga (GBAC) kenaujaliuKattangitut katutjiKatigengutluni aulataujuk ailipvanut-iligenut kiggatuttiKajut Upper Lake Melville nunalimmit. Tainna angajukKauKatiget kamaKattajut Kanuikkunagit, nâmmasiattumik, ammalu kenaujatigut kamaKattajut aulatsigiamut mipvimik, kamatsiatlutik suli kiggatunianninginnik nunakKatigengitumik atugialinginnik ammalu ikajutsilutik nunalimmiunik kenaujaliugutinikkut piguvalliaKullugit.
GBAC suliaKaKatiKatsiaKattajut nunalimmit ikajuttinginnik, suliaKapviujunut, ammalu ilonnanginnik kavamaligijinnut tasiugiattaugiamut mipvimik kajusiutigijaugiaKajunut pivalliatitsigiamut.
Iligillagiamut
